Kirkjualdirnar sjö

Helstu tímabil kirkjusögunnar og
spámaður hvers tímabils.

Hinn biblíulega grundvöll fyrir kennslunni um kirkjualdirnar sjö, er að finna, í
Opinberunarbókinni, kafla 2-3. Þessir tveir kaflar geyma boðskap til sjö
kirkna, í Litlu - Asíu. Meirihluti biblíutrúaðra kennara í Guðsorði, er þeirrar
skoðunar, að þessi boðskapur hafi spádómsinnihald og tákni sjö tímabil
innan kirkjusögunnar.
Þessi tími, þegar Guð er að kalla á þá sem ekki hafa gyðinglegan uppruna,
en tilheyra hinu andlega Ísrael, er oft kallaður tímar heiðingjanna, því í
Rómverjabréfinu 11:25, segir: "Ég vil ekki, bræður mínir, að yður sé ókunnugt
um þennan leyndardóm, til þess að þér skuluð ekki með sjálfum yður ætla yður
hyggna. Forherðing er komin yfir nokkurn hluta af Ísrael og varir þangað til
heiðingjarnir eru allir komnir inn."

Kirkjurnar sjö, í Litlu - Asíu höfðu til að bera ákveðna eiginleika, sem líta má
á sem fyrirboða eða skuggamynd af því, sem síðar átti eftir að koma yfir
kirkjuna á hverri kirkjuöld eða kirkjutímabili fyrir sig.
Boðskapurinn til hverrar kirkju fyrir sig, hefst á því að sagt er frá engli
(sendiboða), sem á að flytja kirkju sinni ákveðinn boðskap frá Guði.
Boðskapurinn sem kirkjurnar (kirkjutímabilin) fá, fjallar ávallt um það sem
aflaga hefur farið hjá kirkjunni og hvað þarf að gera til að komast aftur á
rétta leið með Guði.
Í Opinberunarbókinni er aðeins talað um einn sendiboða á hverju tímabili fyrir sig.
Það er því augljóslega mikilvægt, að reyna að gera sér grein fyrir því, hvernig
er hægt að greina þessi tímabil í kirkjusögunni og hvaða einstaklingur það var,
sem Guð útvaldi á hverju tímabili, til að flytja þann boðskap, sem Guð vildi
að kæmi fram til að leiðrétta það sem aflaga hefði farið.
 

                                  Boðberar kirkjualdanna